Cóiste na Coiste

Bhí ceathrar fir na cathrach ann
ceithre ball den choiste amháin,
ar aistear chun na farraige
‘s ag casaoid ar an gcostas de.

Bhí ceathrar fir na cathrach inti,
cruinnuithe i gcóiste, cinnte,
marcaíocht ar bhóithre casta
ar a mbealach nó an cósta.

Is é na rothaí bhí ag casadh
is ag gluaiseacht go gasta
ar na bóithre cama casta
gar don chósta síos go muir...

Bhí na fir uilig go sásta
nó gur chuaigh siad go crosta
ó gur phléaidís an chostais
ar an lóistín gar don chósta.

Is é na rothaí a bhí ag casadh
ar na ródaí cama casta
is iad ag druidim ar an gcósta
ar an bhfána síos go muir…

Bhí tiománaí ar an gcóiste:
b’fhéidir air a bheadh bog-mheisce,
is na páisinéirí leisciúil
ina gcóiste gorm gasta.

Is é na rothaí a bhí ag casadh
ar na ródaí cama casta
mar a tiomanadh ro-ghasta í
is gur bhuail an charr faoi chlaí...

Bhí trí chiste istigh sa chóiste
ag an gcisteoir, ball den choiste,
is bhí an cisteoir siúd an-chliste --
-- ní miste liom a rá.

Is é na rothaí bhí ag casadh
is ag gluaiseacht go gasta
ar na bóithre cama casta
nuair a thit an charr faoi chlaí...

Bhí ciste istigh díobh briste
nuair a tholg an timpiste;
b’é sách costasach bhí an chiste --
-- is óth liom é a rá.

Is é na rothaí bhí ag casadh
is ag gluaiseacht go gasta
ar na bóithre cama casta
roimh gur bhuail an charr faoi chlaí…

Ach bhí cathaoirleach an choiste
ina shuí istigh sa chóiste
leis a chupán tae go blasta
nó go raibh an cathaoirleach casta...

D’iompadh fir i gcnap le chéile;
d’aisig beirt acu a mbéilí
scaipeadh airgead mar réaltaí
mar a chuala mé ón scéalaí…

Bhi an cathaoirleach sách crosta
is a mhéaracha sách rósta
faoina fháinne órga pósta
-- a bhí an-te le tae

Ach b’é na rothaí a lean ag casadh
is ag rothaíocht go gasta
ar an bhfearsaid bhriste mheartha
ar an bhfána os cionn na mara,
thar éis gur bhuail an charr faoi chlaí….